الاكل العاطفى
ممكن المشاعر تؤثر على شهية تناول الطعام
لوحظ بالفعل ان فى ارتباط وثيق جدا بين المزاج العام أو الحالة النفسية وشهية تناول الطعام وبالتالى زيادة الوزن
وفى احيان كتير بيشعر البعض بزيادة شهيتة للطعام عند الاحساس بالحزن
وده اللى بنسميه الأكل العاطفى وبتجرى حاليا ابحاث ودراسات اعمق لفهم اسباب هذا المفهوم وكيفية السيطرة عليه
تعالو نتعرف على ما هو الأكل العاطفى
يطلق مصطلح الأكل العاطفى على الشعور بالرغبة فى تناول الطعام خصوصا الحلويات أو الأطعمة المشبعة بالدهون كوسيلة لمواجهة الضغط العصبى والمشكلات الحياتية
وعادة بنشعر بعد تناول الطعام ده بالندم وزيادة الاحساس بالحزن
واحيانا بيكون الشخص مش مدرك دوافعه الحقيقية تجاه الاكل لانها بتكون حيلة دفاعية من العقل لتشتيت الانتباه عن المشكلة او مسببات الضغط وتهدئة المشاعر السلبية
طيب ليه بيدفعنا التوتر لتناول الطعام بالشكل ده
لان الشعور بالتوتر بيدفع الجسم لافراز هرمون الكورتيزول اللى بيفتح الشهية ويزود الاحساس بالجوع وبيؤثر فى هرمون الجوع نفسه وهو هرمون الغريلين وبالتالى يرتفع مستوى الانسولين فى الدم وده بيؤدى الى الميل لاكل الحلويات والاطعمة الغنية بالدهون
طيب.. ياترى هل الأكل العاطفى بيرتبط بالمشاعر السلبية فقط؟؟
تشير الدراسات الى ان الضغط النفسى مش هو بس اللى سبب للأكل العاطفى لكن كمان الشعور بالسعادة الشديدة بيؤدى الى زيادة الشهية والأكل بكميات كبيرة وده اللى بيفسربيه الأطباء حالات زيادة وزن الأزواج وده نتيجة الشعور بالسعادة والاستقرار
وقد يكون تناول الطعام فى حالات السعادة الشديدة كنوع من مكافاة النفس على انجاز مهمة ما او بسبب الرغبة فى الحصول على أوقات سعيدة مع العائلة الاحساس ده عادة بياخر الشعور بالشبع وبيشجع على الاستمرار فى تناول الطعام
ازاى نقدر نتغلب على هذا الشعور:
لازم نعرف الفرق بين الجوع الحقيقى والجوع العاطفى بدون التقليل فى حصة الطعام منعا لتاثير ده على الصحة العامة
-الجوع العاطفى بيحصل فجأة بعكس الجوع الحقيقى اللى بنحس بيه تدريجيا
– الجوع العاطفى بيدفعنا لأكل نوعيات معينة من الأكل زى الوجبات السريعة والحلويات
أما الجوع الحقيقى بنفكر فيه بالاكلات اللى تشعرنا بالشبع
مقاومه سلوك الأكل العاطفى بالتفكير بادراك ان الشعور ده مرتبط بالمشاعر السلبية أو الايجابية وبالتالى تقدروا تحجموا هذا الشعور
حاولوا كمان تستبدلوا الأطعمة اللى بتشعروا برغبة فى تناولها لأطعمة اخرى صحية
وطبعا الالتزام باكل متوازن لسد احتياجات الجسم وقد يمنع هذا الشعور بالجوع حتى اذا كان مرتبط باى نوع من المشاعر